ՄԱԿ-ի Ատոմային էներգիայի միջազգային գործակալության գլխավոր տնօրեն Ռաֆաել Գրոսսին երեկ ժամանել է Թեհրան, որտեղ այսօր հանդիպել է Իրանի Իսլամական Հանրապետության Ատոմային էնեգրիայի կազմակերպության տնօրեն Ալի-Աքբար Սալեհիի հետ:
Բանակցությունների օրակարգում տեսչական այցերի խնդիրն է: Թեհրանը հայտարարել է, որ գալիք երեքշաբթի օրվանից՝ փետրվաի 23-ից, կսահմանափակի միջուկային կառույցներ 2015 թվականի միջուկային պայմանագրով նախատեսված Ատոմային էներգիայի միջազգային գործակալության փորձագետների այցերի թիվն այն դեպքում, եթե Միացյալ Նահանգները չթուլացնի պատժամիջոցները:
Իրանը միաժամանակ ընդգծել է, որ չի խզելու համագործակցությունը ՄԱԿ-ի գործակալության հետ և չի արտաքսելու տեսուչներին, այլ ընդամենը կրճատելու է այցերի թիվը:
Իրանը և վեց գերտերությունները 2015 թվականին կնքել են պատմական նշանակության միջուկային պայմանագիրը, որով Թեհրանը պարտավորվել է սառեցնել ուրանի հարսցացումը: Դրան ի պատասխան միջազգային համայնքը պետք է աստիճանաբար չեղարկեր պատժամիջոցնները:
Հանրապետական նախագահ Դոնալդ Թրամփի կարգադրությամբ Վաշինգթոնը 2018 թվականի մայիսին դուրս է եկել այդ պայմանագրից, ինչից հետո Թեհրանը հայտարարել է, որ կվերականգնի ուրանի հարստացումը:
Թրամփին նախագահի պաշտոնում այս տարվա հունվարից փոխարինած դեմոկրատական Ջո Բայդենը նկատել է տվել, որ պատրաստ է վերադառնալ 2015 թվականի պայմանագրին: Սպիտակ տունը հաղորդել է, թե Եվրոպական միությունը քննարկում է Իրանի և վեց միջազգային գերտերությունների երկխոսությունը վերականգնելու ուղիները:
Կարդալ աղբյուրում
0