Ռուսաստանը հարվածել է Օդեսայում դպրոցների և մանկապարտեզների համար նախատեսված սննդամթերքի պահեստին․ կան զոհեր

Ռուսաստանը հարված է հասցրել Օդեսայում պահեստային շինությանը, ինչի հետևանքով երեք մարդ է զոհվել։ Այս մասին հայտնել է Օդեսայի մարզային ռազմական վարչակազմի ղեկավար Օլեգ Կիպերը։ Նրա խոսքով՝ զոհվածները երկու կին և մեկ տղամարդ են։ Եվս մեկ կին վիրավորվել է և գտնվում է ծանր վիճակում։