Աշնանային ծառատունկ՝ Հայրենական պատերազմի հաղթանակի 40-ամյակին նվիրված զբոսայգում

Նոյեմբերի 6-ին Մալաթիա-Սեբաստիա վարչական շրջանի՝ Հայրենական պատերազմի հաղթանակի 40-ամյակին նվիրված վերակառուցված զբոսայգում անցկացվել է ծառատունկ, հայտնում են Երևանի քաղաքապետարանից։ Երևանցիների հետ միասին ծառատունկին մասնակցել է Երևանի քաղաքապետ Տիգրան Ավինյանը։ Նշվում է, որ 3,5 հեկտար տարածք զբաղեցնող զբոսայգում տնկվեց շուրջ 400 ծառ, ավելի քան 1000 թուփ և 3000 վարդ։