Բարձրագույն կրթության և գիտության կոմիտեի փոխնախագահ Արթուր Մովսիսյանը հրաժարական է տվել՝ քննադատելով գիտության թերֆինանսավորումը

ՀՀ բարձրագույն կրթության և գիտության կոմիտեի նախագահի տեղակալ Արթուր Մովսիսյանը հայտարարել է, որ սեփական դիմումի համաձայն ազատվել է պաշտոնից։ Ավելի քան 6,5 տարի այդ պաշտոնը զբաղեցրած Մովսիսյանը հրաժարականի հիմնական պատճառ է նշել գիտության ոլորտում խոստացված ֆինանսավորման չհատկացումը և ծրագրերի թերի իրականացումը։