Ուկրաինայի 3-րդ բանակային կորպուսը հայտնել է Լիմանի մոտ նոր հաջողությունների մասին

Ուկրաինայի 3-րդ բանակային կորպուսի հրամանատար Անդրեյ Բիլեցկին հայտարարել է Դոնեցկի մարզի հյուսիսում, այսպես կոչված, «Վիվալդի» գործողության հերթական փուլի հաջող ավարտի մասին։ Նրա խոսքով՝ կորպուսն ու նրան կցված ստորաբաժանումները ռուսական զորքերի դեմ հարձակման ընթացքում Լիմանի ուղղությամբ ազատագրել են Զելյոննայա Դոլինա, Լիպովոյե և Կոլոձի բնակավայրերը՝ Ուկրաինայի վերահսկողությանը վերադարձնելով ևս 101 քառակուսի կիլոմետր տարածք, գրում է Current time-ը։